Յունուար 22-ին, Հայաստանի Ազգային պատկերասրահին մէջ բացումը կատարուած է Լուսինէ Նաւասարդեանի «Լռութիւն» լսատեսողական նախագիծը՝ կազմուած չորս մեթրնոց հսկայական գծանկարէն եւ ստեղծագործութեան ընթացքը ցուցադրող վաւերագրական տեսանիւթէն։

Այս գործը ստեղծուած է 2021-24 թուականներու ընթացքին. ան արուեստագէտին արձագանգն է 44-օրեայ պատերազմին ու Արցախի կորուստի ողբերգական իրադարձութիւններուն։

Լուսինէ Նաւասարդեանի նախագծի ներկայացումը Ազգային պատկերասրահին մէջ կը շարունակուի մինչեւ Փետրուար 2, այնուհետեւ կը ներկայացուի Պերլինի մէջ։