«International IQ Test» հարթակը 2025 Յունուար 1-ին հրապարա­կած է աշխարհի ամէնէն խելացի ազգերու վիճակագրական ցանկը, ուր լաւագոյն տասնեակին մէջ կը գտնուի Հայաստան։ Հայ ազգը 8-րդ տեղը կը գրաւէ 127 պետութիւններու ցանկին մէջ։

2024-ի ընթացքին հարթակին կողմէ առաջարկուած «IQ test»-ին, որուն ամբողջ աշխարհէն մասնակցած է շուրջ մէկ միլիոն 400 հազար հոգի, հայաստանցիները զգալիօրէն բարելաւած են իրենց ցուցանիշը՝ նախորդ «թեսթ»-ին բաղդատմամբ։

Առաջին տասնեակին մէջ են՝ Չինաստան, Հարաւային Գորէա,  Ճա­փոն, Իրան, Սինկափուր, Ռուսաստան, Մոնկոլիա, Հայաստան, Աւստրա­լիա եւ Սպանիա, մինչ Ֆրանսա կը յայտնուի 17-րդ դիրքի վրայ։

Թուրքիա 46-րդ տեղը կը գրաւէ, Ազերպայճան՝ 48-րդ։