Երկլեզու գրացանկի շնորհահանդէսը

Երեւանի «Ոսկէ ծիրան» 21-րդ միջազգային փառատօնի շրջանակին մէջ տեղի ունեցած է «Հայկական շարժարուեստ 1924-2023» հայերէն-անգլերէն երկլեզու գրացանկին (catalogue) շնորհահանդէսը: Հատորը հրատարակուած է Հայաստանի Կրթութեան, գիտութեան, մշակոյթի եւ մարզանքի նախարարութեան աջակցութեամբ։

Հոն ներկայացուած է հայ շարժարուեստի 100-ամեայ ար­տադ­րութեան լիակատար պատ­կե­րը, մէկ գիրքի մէջ ընդգր­կե­լով Հայաստանի կամ Հայաստանի հետ միասնաբար արտադր­ուած խա­ղար­կա­յին, վաւերագ­րա­կան եւ կենդանապատկեր ֆիլմերու մասին սպա­ռիչ տեղե­կութիւններ­:

Նշենք, թէ Հայկական շարժարուեստի գրացանկի առաջին փորձը կատարուած է 60-ական­նե­րու սկիզբը շարժարուեստի հիմ­նա­դիր­նե­րէն` Դանիէլ Դզնու­նիի կող­մէ:

Այս նոր՝ լրամշակուած երկլեզու հրատարակութիւնը կ՚ընդգրկէ առաւել լիակատար տեղեկատւութիւն 1924-2022 տարիներու եւ մասամբ ալ 2023-ի Հայաստանի ֆիլմարտադրութեան մասին: