Հայոց ցե­ղաս­պա­նու­թեան թան­գա­րան-հիմ­նարկին մէջ տե­ղի ու­նե­ցած է վեր­ջին տա­րինե­րուն ստա­ցուած աւե­լի քան 4 հա­զար նիւ­թե­րու եւ «Հա­յոց ցե­ղաս­պա­նու­թե­նէն վե­րապ­րողնե­րու յու­շագրու­թիւններ» մա­տենա­շարի յա­ջոր­դա­կան երեք հա­տոր­նե­րու եւ գի­տա­կան պար­բե­րա­կան­նե­րու շնոր­հա­հան­դէ­սը։ 

«Ար­մէնփրէս»-ի հետ զրոյ­ցին Թան­գա­րան-հիմ­նարկի տնօ­րէնու­հի Էդի­տա Գզո­յեան տե­ղեկա­ցու­ցած է, որ շնոր­հա­հան­դէ­սին կը ներ­կա­յացուին նաեւ ան­ցեալ տա­րի «Ցե­ղաս­պա­նագի­տական հան­դէս» եւ “International Journal of Armenian Genocide Studies” գի­տական պար­բե­րական­նե­րու տպագ­րուած 2-ական հա­մար­նե­րը, ինչպէս նաեւ վե­րապ­րողնե­րու յու­շագրու­թիւննե­րու շար­քին յա­ջոր­դա­կան հա­տոր­ներն ու ռու­սե­րէն, ֆրան­սե­րէն հրա­տարա­կուած գի­տական եր­կու աշ­խա­տու­թիւն։ 

“Ինչ կը վե­րաբե­րի նիւ­թե­րուն, ապա անոնք Հա­յոց ցե­ղաս­պա­նու­թեան թան­գա­րան-հիմ­նարկին՝ վեր­ջին տա­րինե­րուն կա­տարուած նուիրատ­ւու­թիւններն են։ Նկա­տի ու­նե­նալով, որ բա­ւական մեծ թիւ կը կազ­մէին, որո­շեցինք շնոր­հա­հան­դէ­սի ձե­ւով ներ­կա­յաց­նել. 4.000-է աւե­լի նիւթ ստա­ցած ենք։ Անոնք կ՚ընդգրկեն, օրի­նակ՝ բնօ­րինակ լու­սանկար­ներ՝ թէ՛ Հա­յոց ցե­ղաս­պա­նու­թեան, թէ՛ ալ հա­միտեան կո­տորած­նե­րու տա­րինե­րէն։ Բա­ւական մեծ թի­ւով լու­սանկար­ներ ստա­ցած ենք նաեւ Ար­ցա­խի մէջ տե­ղի ու­նե­ցածի մա­սին”,– ման­րա­մաս­նած է Գզո­յեան՝ աւելցնե­լով, թէ աշ­խարհի տար­բեր ան­կիւննե­րէն՝ Լի­բանա­նէն, Յու­նաստա­նէն, ԱՄՆ-էն, Ռու­սաստա­նէն ստա­ցուած նիւ­թե­րուն մէջ կան նաեւ յու­շագրու­թիւններ, օս­մա­նատառ փաս­տա­թուղթեր։

Անոնց մաս կը կազ­մեն նաեւ ֆրան­սա­հայ լու­սանկա­րիչ Ար­շակ (Մաքս) Սի­վաս­լեանի լու­սանկար­նե­րը, որոնք կը ներ­կա­յաց­նեն դրուագ­ներ թէ՛ 1992-ի, թէ՛ ալ 2016-ի Ար­ցա­խեան պա­տերազմնե­րէն: Այս նկար­նե­րուն մէկ մա­սը տա­կաւին հրա­պարա­կուած չէ:

Արա­րողու­թեան ներ­կայ եղած են նուիրա­տու­նե­րու եւ Հա­յոց ցե­ղաս­պա­նու­թեան վե­րապ­րողնե­րու ժա­ռանգները։ ■