Բեմադիր Արմինէ Անտայի «Թռչող տերևներու երգը» կարճ կենդանապատկեր (animation) ֆիլմը Պէյրութի կիներու միջազգային փառատօնին (Beirut International Women Film Festival) արժանացած է «Լաւագույն կարճ կենդանապատկեր» (Best short animation) մրցանակին։ 

Հայ-իրանական ընկերութիւններու միասնաբար արտադրած այս առաջին կենդանապատկեր ֆիլմին բեմագիրներն են Արմինէ Անտա եւ ուքրաինահայ նշանաւոր բեմադիր Ռոման Բալայեան։ Երաժշտութեան հեղինակն է Միքայէլ Ոսկանեան, բեմադրող նկարիչը՝ Աննա Յակոբեան։

Ֆիլմին մասին. Ճամբորդութիւն դէպի երազանք՝ անտառի մէջ ապրող ու տերեւներու ծածկոցին տակ գիշերներ լուսցնող տասներկու տարեկան Սունայի եւ թաքնուած գիտելիքի տիրապետող երկու հարիւր տարեկան ծերունիի հանդիպման ընդմէջէն։ Անդրադարձ՝ Հօր ու աղջկան, ուսուցչի եւ աշակերտի, տարեցի եւ մանուկի յուզիչ ընկերութեան՝ անկարելին կարելի դարձնելու անոնց ճանապարհին․․․