Հայաստանի Արտաքին գործոց նախարարութեան մամլոյ բանբեր Վահան Յունանեան յայտնած է, թէ Հոկտեմբեր 14-ին, Ասթանայի մէջ տեղի կ՚ունենայ Հայաստանի, Ազերպայճանի եւ Ռուսաստանի Արտաքին գործոց նախարարներ` Արարատ Միրզոյեանի, Ճեյհուն Պայրամովի և Սերկէյ Լաւրովի հանդիպումը, ռուսական կողմին նախաձեռնութեամբ։ 

Նշենք, թէ Արարատ Միրզոյեան Հոկտեմբեր 12-էն 14 կ՚այցելէ Ղազախստանի մայրաքաղաք Ասթանա՝ մասնակցելու ԱՊՀ-ի Արտաքին գործոց նախարարներու խորհուրդի նիստին: