Հայաստանի Զբօսաշրջութեան յանձնախումբը ներկայացուցած է 2024-ի Յուլիսին, Հայաստան զբօսաշրջային այցելութիւններու թիւը։ Ըստ այդմ՝ 2024 Յուլիսին Հայաստան այցելած է 237 հազար 603 զբօսաշրջիկ, որ աւելի քան 18 հազար նուազ է նախորդ տարուան նոյն ամսուան բաղդատմամբ։ 2023-ի Յուլիսի զբօսաշրջային այցելութիւններու թիւը կազմած էր 255 հազար 706։

2024-ի Յունուար-Յուլիս ամիսներուն Հայաստան ամէնէն շատ զբօսաշրջային այցելութիւնները արձանագրուած են Ռուսաստանէն (42%), Վրաստանէն (13%) եւ Իրանէն (8%), ԱՄՆ-էն (2,5%), Հնդկաստանէն (2,3%):