Նոյեմբեր 20-ին, Նիս քաղաքին մէջ տեղի ունեցաւ «Մանկական Եւրոտեսիլ 2023»-ի բացման արարողութիւնը, մասնակցութեամբ 16 երկիրներու։ Հայաստանը ներկայացնող Yan Girls խումբը արարողութեան համար ընտրած էր դասականի, մանկականի ու արդիականի խառնուրդը։ Խումբին աղջիկները՝ Նանէն, Սիւզին, Գամիլան, Նենսին ու Այտան կը կրէին երկնագոյն երանգի հանդիսական հագուստ՝ խոշոր արծաթագոյն զարդանախշերով։

Աղջիկները պատասխանեցին նաեւ հաղորդավարներու հարցումներուն՝ արտայայտելով իրենց անսահման ուրախութիւնը, որ Հայաստանը կը ներկայացնեն մրցոյթին։

Նշենք, թէ Yan Girls-ի ի նպաստ կարելի է քուէարկել Նոյեմբեր 24-էն սկսեալ՝  jesc.tv կայքին վրայ, ուր տեղ պիտի գտնեն բոլոր ելոյթներու կարճ տարբերակները: Զանոնք դիտելէ յետոյ միայն կարելի է քուէարկել Հայաստանի եւ ձեր նախընտրած երկու այլ մասնակցի ի նպաստ: Ելոյթներներէն յետոյ քուէները կը վերածուին միաւորներու: Մրցոյթի արդիւնքները կ՚որոշուին դատակազմի եւ հեռատեսիլի դիտողին քուէարկութեամբ (50/50 յարաբերութեամբ):