Չորեքշաբթի, Յունիս 12-ին, Երուսաղէմի Հայոց պատրիարքութեան կողմէ Թէոդորոս եպիսկ. Զաքարեան՝ ընկերակցութեամբ Բեթղեհէմի Սուրբ Ծննդեան տաճարի տեսուչ՝ Ասպետ ծ. վրդ. Պալեանի, Երուսաղէմի Սուրբ Աթոռոյ դիւանապետ՝ Աղան վրդ. Գոգչեանի եւ Պաղեստինի մէջ Երուսաղէմի Հայոց պատրիարքութեան փաստաբան՝ Ռայետ Ամայեայի, շնորհաւորելու գացած է Պաղեստինի նորանշանակ Արտաքին գործոց նախարարուհի եւ արտագաղթի հարցերու պատասխանատու Վարսէն Աղաբեկեանին: 

Շնորհաւորական այցի ընթացքին պատուիրակութիւնը տիկին Աղաբեկեանին նուիրած է Երուսաղէմի մէջ համբաւաւոր հայկական յախճապակիի արուեստի նմուշներէն գեղեցիկ յուշանուէր-նուռ մը: