Ըստ ազերպայճանական լրասփիւռներու՝ Պաքուի դատարանը Յունուար 27-ին մերժած է Արցախի ռազմաքաղաքական ղեկավարներու բանտարկութիւնը տնային կալանքով փոխարինելու՝ փաստաբաններու դիմումը:

Տեղի ունեցած է նաեւ Արցախի նախկին Պետական նախարար, Ռուբէն Վարդանեանի դէմ շինծու մեղադրանքներով դատավարութեան յաջորդական նիստը: Անոր դէմ շինծու գործը կը քննուի Արցախի նախկին ռազմաքաղաքական ղեկավարներուն դէմ գործէն անջատ: Նախորդ դատական նիստին, Վարդանեանի փաստաբանը պահանջած էր անոր գործը միացնել միւս ղեկավարներու գործին եւ քննել միասին, սակայն դատարանը մերժած է այդ դիմումը:

Դատարանը Վարդանեանին յաւելեալ 10 օր տուած է նիւթերուն ծանօթանալու համար, մինչ անոր փաստաբանները 30 օր պահանջած էին:

­Յիշեց­նենք, որ Ար­ցա­խի Հան­րա­պետու­թեան նախ­կին ռազ­մա­քաղա­քական ղե­կավար­նե­րը Պա­քուի դա­տարա­նին կող­մէ կ՚ամ­բաստա­նուին «ահա­բեկ­չութեան», «ռազ­մա­կան ոճիր­նե­րու», «ցե­ղաս­պա­նու­թեան» եւ այլ մե­ղադ­րանքներով։