Յուլիս 7-ին, Հայ Բարեգործական Ընդհանուր Միութեան (ՀԲԸՄ) կազմակերպութեամբ տեղի ունեցած է սենեկային երաժշտութեան համերգ՝ Արցախէն երաժիշտներու կատարողութեամբ։

Համերգին ներկայ գտնուած է Հայաստանի մէջ Ֆրանսայի դեսպան Օլիվիէ Տըքոթինյի, որ այս կապակցութեամբ X ընկերային ցանցի իր հաշիւին կատարած է հետեւեալ գրառումը.

«Յուզումով  ներկայ գտնուեցայ Արցախէն երաժիշտներու կատարողութեամբ համերգին։  Այս այրերուն եւ կիներուն համար, որոնք վերամիաւորուած ենիրենց բռնի տեղահանումէն 10 ամիս ետք, այս համերգը յաղթանակ է աքսորի, անարդարութեան և մոռացութեան դէմ»։