Սուրիոյ մէջ ամէն օր նո­րու­թիւն կայ։

Մե­զի` հա­յերուս հա­մար, հա­ւանա­բար ամէ­նէն հե­տաքրքրա­կան նո­րու­թիւննե­րը պի­տի վե­րաբե­րին այն հան­դի­պումնե­րուն, զորս մեր հո­գեւոր կամ հա­մայնքա­յին իշ­խա­նու­թիւննե­րը պի­տի ու­նե­նան երկրին նոր ղե­կավա­րու­թեան կամ քրիս­տո­նեայ միւս հա­ւաքա­կանու­թեանց հետ, ուրուագ­ծե­լու հա­մար մեր հա­մայնքա­յին դրուած­քին եւ իրա­ւունքնե­րուն տե­սանե­լի ապա­գան, յե­տիշ­խա­նափո­խու­թեան սա ան­ցումա­յին եւ անո­րոշ շրջա­նին։

Այս ծի­րին մէջ, Չո­րեք­շաբ­թի, Դեկ­տեմ­բե­ր 18-ին, բարձրա­մակար­դակ կա­րեւոր հան­դի­պում մը կա­յա­ցաւ Դա­մաս­կո­սի մէջ, Յոյն Ուղղա­փառ պատ­րիար­քա­րանի եր­դի­քին տակ, ի մի բե­րելով մայ­րա­քաղա­քի քրիստո­նեայ բո­լոր հա­մայնքնե­րու եւ վա­նական հաս­տա­տու­թիւն­նե­րու հո­գե­ւոր պե­տերը, խո­ր­հրդակ­ցու­թեան եւ միաս­նա­կան աշ­խա­տան­քի ձե­ւա­ւոր­ման նպա­տա­կով։

Հա­մաժո­ղո­­վին կը նա­խա­գա­հէր տան­տէ­րը` Յոյն Ուղղա­փառաց Եու­հաննա Ժ. Եազ­ճի պատ­րիար­քը, որուն կող­քին էին Ասո­րի Ուղղա­փառ եկե­ղեց­ւոյ պետ Աֆ­րամ Բ. եւ Յոյն Կա­թողի­կէ հա­մայնքի Եու­սուֆ Ա. պատ­րիարքնե­րը, ինչպէս նաեւ Դա­մաս­կո­սի մէջ պա­պական նուիրակ Մա­րիօ Զի­նարի կար­դի­նալը։

Հայ եկե­ղեց­ւոյ կող­մէ այս ժո­ղովին կը մաս­նակցէին թէ՛ Դա­մաս­կո­սի Հա­յոց թե­մի առաջ­նորդ Ար­մաշ եպիսկ. Նալ­պանտեան եւ թէ՛ ալ Հա­լէպէն Մա­կար արք. Աշ­գա­րեան, Բե­րիոյ թե­մի առաջ­նորդը։

Ժո­ղովին իւ­րա­յատ­կութիւնն ու կա­րեւո­րու­թիւնը այն էր, որ սոյն հան­դի­պու­մին լայն մէկ բաժ­նին ներ­կայ եղաւ նաեւ ՄԱԿ-ի Սու­րիոյ յատուկ բա­նագ­նա­ցը` նոր­վե­կիացի դի­ւանա­գէտ Կիր Փետրսըն, որ օրե­րէ ի վեր Դա­մաս­կոս կը գտնուի ար­դէն եւ կ՚ու­նե­նայ բազ­մաբնոյթ շփում­ներ։

Եազ­ճի պատ­րիար­քը իր ար­տա­սանած խօս­քին մէջ շեշ­տեց որ սու­րիացի քրիս­տո­նեանե­րը հիւր չեն այս հո­ղերուն վրայ, այլ ան­բա­ժանե­լի մաս­նիկներն են երկրին պատ­մութեան, ու­նին հա­ւասար իրա­ւունքներ եւ հա­ւասար պար­տա­ւորու­թիւններ` միւս բո­լոր քա­ղաքա­ցինե­րուն նման։ Ան յոյս յայտնեց որ երկրին մշա­կելի նոր սահ­մա­նադ­րութիւ­նը հարկ է որ երաշ­խա­ւորէ բո­լոր հա­մայնքնե­րուն եւ ազ­գա­յին խմբա­ւորումնե­րուն իրա­ւունքնե­րը` քա­ղաքա­կան, ըն­կե­րային եւ մշա­կու­թա­յին երես­նե­րով ու ցո­լաց­նէ ժո­ղովուրդին ակնկա­լու­թիւննե­րը։ “Կրօն­նե­րու եւ անոնց աւան­դութեանց նկատ­մամբ յար­գանքը առաջ­նա­յին պա­հանջք է”,– ըսաւ պատ­րիար­քը։

Իր կար­գին, ՄԱԿ-ի բա­նագ­նա­ցը խօ­սեցաւ իր հան­դի­պումնե­րէն ստա­ցած լա­ւատես տպա­ւորու­թիւննե­րուն մա­սին։ Յայտնեց որ Սու­րիան կ՚ապ­րի նոր շրջա­նի մը սկիզ­բը եւ հարկ է համ­բե­րատար ըլ­լալ։ Կա­րեւորն այն է, որ երկրին բազ­մա­պիսի գոր­ծե­րը ըն­թա­նան ճիշդ ուղղու­թեան վրայ ու արագ թա­փով դար­մա­նուին վէր­քե­րը։

Կը թուի թէ քրիս­տո­նեայ հա­մայնքնե­րու սոյն մէկ­տե­ղու­մին ան­մի­ջա­կան պտու­ղը պի­տի ըլ­լայ հա­մադ­րող միացեալ յանձնա­խումբի մը կազ­մութիւ­նը, որ իր կար­գին` տե­ւական շփման մէջ պի­տի ըլ­լայ պե­տական պատ­կան իշ­խա­նու­թեանց հետ։

   Լ. Շ.

(Հալէպ) ■