Մամլոյ հաղորդագրութիւն

Մխիթա­րեան Միաբա­նու­թեան մայ­րա­վան­քին մէջ, Վե­նետի­կի Սուրբ Ղա­զար կղզիին վրայ, Մխի­թար Աբ­բա­հօր մա­հուան 275-ամեակի ձեռ­նարկնե­րու ծի­րին մէջ Հոկ­տե­բեր 31-էն մին­չեւ Նո­յեմ­բեր 3 տե­ղի ու­նե­ցաւ մի­ջազ­գա­յին եռօ­րեայ գի­տաժո­ղով՝ Աս­տուածա­շունչ Հայ­կա­զեանի հա­յերէն թարգմա­նու­թեան, հրա­տարա­կու­թիւննե­րուն եւ ազ­դե­ցու­թեան մա­սին։

Գի­տաժո­ղովին՝ Եւ­րո­պայէն, Հա­յաս­տա­նէն, Գա­նատա­յէն եւ Պոլ­սէն մաս­նակցե­ցան հո­գեւո­րական ներ­կա­յացու­ցիչներ եւ մաս­նա­գէտ­ներ, որոնք իրենց զե­կոյցնե­րով հարստա­ցու­ցին մի­ջազ­գա­յին սոյն գի­տաժո­ղովը։

Գի­տաժո­ղովի դա­սախօս­ներն էին՝ Հ. Վա­հան վրդ. Օհա­նեան, Հ. Սե­րոբ վրդ. Չա­մուրլեան, Հ. Գե­ղարդ վրդ. Քիւսպէ­քեան, Հ. Յո­վակիմ վրդ. Սե­րով­բեան, Հ. Գէորգ աբղ. Սար­գի­սեան, Տ. Արա­րատ քհնյ Պօ­ղոսեան, Ար­մէն Մալ­խա­սեան, Վա­հէ Թո­րոսեան, Սար­գիս Մել­քո­նեան, Մի­քայէլ Մալ­խա­սեան, Ռու­բէն Մե­լիքեան, Փաոլօ Լուքքա, Մար­քօ Պա­յիս, Ռիք­քարտօ Փա­նէ, Մհեր Քու­մունց, Խա­չիկ Յով­հաննի­սեան, Մա­յա Գրի­գորեան եւ Վա­հագն Պօ­ղոսեան։

Գի­տաժո­ղովի տե­սա­կան բա­ժինը աւար­տե­լէ ետք, տե­ղի ու­նե­ցաւ գործնա­կան քննար­կում՝ Աս­տուածա­շու­նի հա­յերէն թարգմա­նու­թեան քննա­կան բնա­գիրի կազ­մութեան հար­ցին շուրջ։ Ժո­ղովա­կան­նե­րը որո­շեցին մօտ ապա­գային ստեղ­ծել աշ­խա­տան­քա­յին խումբ մը, գի­տաժո­ղովի ըն­թացքին ար­ծարծուած տե­սական եւ գի­տական հար­ցե­րուն փուլ առ փուլ լու­ծում տա­լու հա­մար։

Գի­տաժո­ղովի ըն­թացքին նաեւ հրա­պարա­կուե­ցաւ Մխի­թարեան միաբա­նու­թեան նա­խաձեռ­նած եւ Հա­յաս­տա­նի ամե­րիկեան հա­մալ­սա­րանի՝ Գոր­ծա­րար հե­տազօտ­ման եւ զար­գացման կեդ­րո­նի (ԳՀԶԿ) ու­սա­նող­նե­րու ու աշ­խա­տող­նե­րու կող­մէ պատ­րաստուած «Մխի­թար» հար­թա­կը։

Յղումնե­րը կա­րելի է դի­տել Դի­մագի­քի՝ Մխի­թարեան Մայ­րա­վանք Սուրբ Ղա­զար – Monastero Armeno Mechitarista San Lazzaro էջին վրայ։ ■