Յունուար 10-ին, Թիֆլիսի հանդիսութիւններու տան մէջ, Երեւանի մնջախաղի պետական թատրոնը հանդէս եկած է «Վերադարձ» ներկայացումով, նուիրուած՝ Փարաճանովի 100-ամեակին։

Ձեռնարկին ներկայ դեսպան Աշոտ Սմբատեան շնորհակալութիւն յայտնած է թատրոնի գեղարուեստական ղեկավար Ժիրայր Դադասեանին՝ գեղեցիկ ու տպաւորիչ բեմադրութեան դերասաններուն` իրենց կատարողական բարձր արուեստին համար։

Ան դրուատած է նաեւ կազմակերպիչներու աշխատանքը՝ յանձին «Noumen Art» ժամանակակից միջազգային փառատօնի հիմնադիր Գիորգի Դաւիթաշվիլիի։