Փարի­զի Փի­քասո­յի թան­գա­րանին մէջ ներ­կա­յացուած է խո­րանար­դա­պաշ­տա­կան եւ վե­րացա­կան արուես­տի մեծ պաշտպան, հա­ւաքորդ (collectionneur) եւ 1920-1930-ական թուական­նե­րու ժա­մանա­կակից արուես­տի հո­վանա­ւոր Լէոնս Ռո­զեն­պերկի բնա­կարա­նի ձե­ւաւոր­ման նուիրուած « Dans l’appartement de Léonce Rosenberg: De Chirico, Ernst, Léger, Picabia…» ցու­ցադրու­թիւնը, ուր ներ­կա­յացուած է նաեւ Երուանդ Քո­չարի՝ 1934-ին ստեղ­ծած տա­րածանկարը:

*  *  *

Ռոզեն­պերկ վե­րափո­խած է իր փա­րիզեան տու­նը՝ ի պա­տիւ իր նա­խընտրած արուես­տա­գէտ­նե­րուն: Այդ բնա­կարա­նին մէջ, ուր կ՚ապ­րէր կնոջ եւ դուստրե­րուն հետ, ան ամէն մէկ սե­նեակը ձե­ւաւո­րած է նկա­րիչի մը աշ­խա­տանքնե­րով: Ընդհա­նուր առ­մամբ, տաս­ներկու նկա­րիչ­ներ եւ քան­դա­կագործներ այդ պա­տիւին ար­ժա­նացած են. անոնց ստեղ­ծա­գոր­ծութիւննե­րը ցու­ցադրուած են ննջա­սենեակ­նե­րու, հիւ­րա­սենեակին եւ ճա­շասե­նեակին մէջ: Այդ աշ­խա­տանքնե­րը զու­գակցե­լով կա­հոյ­քին հետ՝ Ռո­զեն­պերկ ստեղ­ծած է ոճե­րու ար­տա­սովոր խառ­նուրդ մը: 

*  *  *

Ընտրեալ արուես­տա­գէտ­նե­րու շար­քին եղած է նաեւ Երուանդ Քո­չարը: Անոր՝ 1934-ին ստեղ­ծած տա­րածան­կա­րը, որ այժմ Փա­րիզի Փոմ­փի­տու կեդ­րո­նի հա­ւաքա­ծոյին մաս կը կազ­մէ, նոյնպէս նե­րառուած է Փի­քասո­յի թան­գա­րանի ցու­ցադրու­թեան մէջ: Հոն կան նաեւ Քո­չարի արուես­տին նուիրուած այլ յղումներ եւ յի­շատա­կու­թիւններ: 

Յու­նուար 30-ին նեղ շրջա­նակի մէջ տե­ղի ու­նե­ցած բաց­ման արա­րողու­թեան ներ­կայ գտնուած է դես­պա­նու­հի Յաս­միկ Տոլ­մա­ջեան։

Ցու­ցա­հան­դէ­սը, որուն կազ­մա­կեր­պութեան մե­ծապէս աջակ­ցած է Հա­յաս­տա­նի մէջ Ֆրան­սա­յի դես­պա­նու­թիւնը, բաց պիտի մնայ մին­չեւ Մա­յիս 19։ ■

Դեսպան Տոլմաջեան՝ Քոչարի ներկայացուած ստեղծագործութեան առջեւ