Հայաստան-Սփիւռք գործակցութեան նոր ուղիներ
20/11/2024
Սեպտեմբեր 4-ին, Ֆրանսայի Արտաքին գործոց (ԱԳ) նախարարութիւնը հաղորդագրութեամբ մը իր երկրի քաղաքացիներուն, ներառեալ՝ երկքաղաքացիութիւն ունեցողներուն, յորդորած է առանց հիմնական պատճառներու չայցելել Ազերպայճան՝ կամայական ձերբակալութիւններէ, բանտարկութիւններէ եւ անարդար դատավարութիւններէ խուսափելու համար։
«Այս վտանգը կը վերաբերի յատկապէս սովորական զբօսաշրջային այց կատարող կամ գործով ճամբորդողներուն: Ձերբակալութեան կամ բանտարկութեան պարագային ենթակային իրաւունքներու պաշտպանութիւնը երաշխաւորուած չէ։
Ազերպայճանի մէջ ձերբակալուող որեւէ ֆրանսահպատակ ենթակայ է՝
– նախնական բանտարկութեան՝ մինչեւ դատավարութիւնը, կամ երկրի տարածքէն դուրս ելլելու արգելքի, որ կրնայ քանի մը ամիս տեւել:
– երկարատեւ բանտարկութեան դատապարտումներու՝ պաշտպանութեան իրաւունքներու անտեսումով:
Բացի ատկէ, խստիւ կը յանձնարարուի խուսափիլ Հայաստանի սահմանակից շրջաններ, ինչպէս նաեւ Լեռնային Ղարաբաղի նախկին ինքնավար մարզ եւ յարակից տարածքներ երթալէ»,– մասնաւորապէս նշուած է Ֆրանսայի ԱԳ նախարարութեան հրապարակած հաղորդագրութեան մէջ:
© 2023 Բոլոր իրաւունքները վերապահուած են։
