Հայաստանի Կրթութեան, գիտութեան, մշակոյթի եւ մարզանքի նախարարութեան նախաձեռնութեամբ՝ Հայաստան առաջին անգամ ըլլալով կը մասնակցի Եւրոպայի մէջ լայն ճանաչում ունեցող Սթրազպուրկի՝ Սուրբ Ծննդեան տօնավաճառին:

Հոն կը ներկայացուին աւելի քան 60 հայ վարպետներու 400 տեսակ ձեռագործ աշխատանքներ:

Այսպէս, հայկական զարդանախշերով ստեղծուած Սուրբ Ծննդեան եւ Ամանորի խորհրդանիշերը շուրջ մէկ ամիս (Նոյեմբեր 24-էն Դեկտեմբեր 24) կը զարդարեն Սթրազպուրկի «Saint Thomas» հրապարակին վրայ տեղակայուած հայաստանեան հիւրընկալ տաղաւարը:

Տօնավաճառի այցելուներուն կը ներկայացուին հայկական կենսունակ ժառանգութեան, ինչպէս՝ գորգագործութեան, ասեղնագործութեան, թաղիքագործութեան եւ փայտարուեստի լաւագոյն նմուշները: