Շուրջ տասնօրեայ բանակցութիւններէ ետք՝ նոր վարչապետը եւ Էմանիւէլ Մաքրոն վերջապէս յաջողեցան լրացնել նոր կառավարութեան կազմը։

Ֆրանսուա Պայրու խոստացած էր նոր կառավարութեան կազմը հրապարակել Սուրբ Ծնունդէն առաջ։ Այդ կազմը յայտարարուեցաւ Երկուշաբթի, Դեկտեմբեր 23-ի երեկոյեան, նոր վարչապետին ու կուսակցութիւններու միջեւ աւելի քան շաբաթ մը տեւած խորհրդակցութիւններէ ու բանակցութիւններէ ետք: Միշէլ Պառնիէի կարճատեւ կառավարական կազմին հետեւողութեամբ՝ 14 նախարարներու եւ 21 պատուիրակ նախարարներու ցանկը ներկայացուց Էլիզէի ընդհանուր քարտուղար Ալեքսի Քոլեր։

Պրիւնօ Ռըթայլօ եւ Ռաշիտա Տաթի վերանշանակուեցան համապատասխանաբար Ներքին գործոց եւ Մշակոյթի նախարարներ: Ֆրանսուա Պայրու, ըստ երեւոյթին չէ յաջողած համոզել կամ համաձայնիլ Ձախի ոեւէ գլխաւոր դէմքի հետ, բայց եւ այնպէս անոր կառավարութեան մաս կը կազմեն երկու նախկին ընկերվարականներ՝ Մանիւէլ Վալս եւ Ֆրանսուա Ռեպսամէն։ Ինչ կը վերաբերի Աջին, անկէ ալ չէ կրցած ապահովել Զաւիէ Պերթրանի մասնակցութիւնը, մեծ հաւանականութեամբ Ազգային համախմբումի ճնշումին պատճառով: 

Ստորեւ կառավարութեան ամբողջական կազմը.

• Էլիզապէթ Պոռն (Վերածնունդ), Ազգային կրթութեան, բարձրագոյն կրթութեան եւ հետազօտութիւններու պետական ​​նախարար,

• Մանիւէլ Վալս (անկուսակցական), Պետական նախարար, Անդրծովեան տարածքներու նախարար;

• Ժերալտ Տարմանէն (Վերածնունդ), Պետական ​​նախարար, Արդարադատութեան նախարար,

• Պրիւնօ Ռըթայօ (Հանրապետականներ), Պետական ​​նախարար, Ներքին գործոց նախարար,

• Քաթրին Վոթրէն (զանազան Աջ), Աշխատանքի, առողջապահութեան, զօրակցութեան եւ ընտանիքներու նախարար,

• Էրիք Լոմպառ (անկուսակցական), Տնտեսութեան, ելեւմուտքի եւ արդիւնաբերական ու թուային ինքնիշխանութեան նախարար,

• Սեպասթիէն Լըքոռնիւ (Վերածնունդ), Բանակներու նախարար,

• Ռաշիտա Տաթի (զանազան Աջ), Մշակոյթի նախարար,

• Ֆրանսուա Ռեպսամէն (անկուսակցական), Տարածաշրջանային կարգաւորման եւ ապակեդրոնացման նախարար,

• Ժան-Նոէլ Պառօ (ՄօՏեմ), Եւրոպական հարցերու եւ Արտաքին գործոց նախարար,

• Անիէս Փանիէ-Ռիւնաշէ (Վերածնունդ-Յառաջընթացի տարածքներ), Բնապահական անցումի, կենսաբազմազանութեան, անտառներու, ծովերու եւ ձկնորսութեան նախարար,

• Անի Ժընըվար (Հանրապետականներ), Գիւղատնտեսութեան եւ պարէնային ինքնիշխանութեան նախարար,

• Լոռան Մարքանճելի (Հորիզոններ), հանրային ծառայութեան եւ պարզացման նախարար,

• Մարի Պարզաք (անկուսակցական), Մարզանքի, երիտասարդութեան եւ ընկերակցական կեանքի նախարար։

Իսկ 21 պատուիրակ նախարարներն են.

• Փաթրիք Մինիոլա (ՄօՏեմ), Խորհրդարանի հետ յարաբերութիւններու հարցերու նախարարի պատուիրակ՝ վարչապետին առընթեր,

• Օրոռ Պերժէ (Վերածնունդ), Կիներու եւ այրերու հաւասարութեան եւ խտրականութեան դէմ պայքարի հարցերու նախարարի պատուիրակ՝ վարչապետին առընթեր,

• Սոֆի Փրիմա (Նոր կորով), Պատուիրակ նախարար, կառավարութեան բանբեր, վարչապետին առընթեր,

• Ֆիլիփ Պաթիսթ (անկուսակցական), Բարձրագոյն կրթութեան եւ հետազօտութիւններու հարցերէ պատասխանատու նախարար, Ազգային կրթութեան նախարարութեան կից,

• Ֆրանսուա-Նոէլ Պիւֆէ (Հանրապետականներ), Ներքին գործոց նախարարութեան կից նախարար.

• Ասթրիտ Փանոսեան-Պուվէ (Վերածնունդ), Աշխատանքի նախարար, Աշխատանքի եւ առողջապահութեան նախարարութեան կից,

• Եանիք Նէօտեր (Հանրապետականներ), Առողջապահութեան եւ խնամքի հասանելիութեան հարցերէ պատասխանատու նախարար, Աշխատանքի եւ առողջապահութեան նախարարութեան կից,

• Շառլոթ Փարմանթիէ-Լըգոք (Հորիզոններ), Ինքնավարութեան եւ հաշմանդամութեան հարցերու նախարարի պատուիրակ, Աշխատանքի եւ առողջապահութեան նախարարութեան կից,

• Ամելի տը Մոնշալէն (Վերածնունդ), Տնտեսութեան նախարարութեան կից հանրային հաշիւներէ պատասխանատու նախարար,

• Մարք Ֆերաչի (Վերածնունդ), Արդիւնաբերութեան եւ ուժանիւթի հարցերէ պատասխանատու նախարար, Տնտեսութեան նախարարութեան կից,

• Վերոնիք Լուաժի (Հանրապետականներ), Առեւտուրի, արհեստներու, փոքր ու միջին ձեռնարկութիւններու եւ ընկերային ու զօրակից տնտեսութեան հարցերու գծով նախարարի պատուիրակ, Տնտեսութեան նախարարութեան կից,

• Գլարա Շափփա (անկուսակցական), Արհեստական ​​բանականութեան եւ թուային արհեստագիտութիւններու գծով նախարարի պատուիրակ, Տնտեսութեան նախարարութեան կից,

• Նաթալի Տըլաթր (Արմատական կուսակցութիւն), Տնտեսութեան նախարարութեան կից զբսաշրջութեան հարցերու գծով նախարարի պատուիրակ,

• Փաթրիսիա Միրալես (Վերածնունդ-Յառաջընթացի տարածքներ), Յիշողութեան եւ նախկին ռազմիկներու հարցերու գծով նախարարի պատուիրակ, Բանակներու նախարարութեան կից,

• Վալերի Լեթար (UDI), Տնտեսութեան հարցերէ պատասխանատու նախարար, Տարածաշրջանային կարգաւորման եւ ապակեդրոնացման նախարարութեան կից,

• Ֆիլիփ Թապառօ (Հանրապետականներ), Փոխադրամիջոցներու նախարար, Տարածաշրջանային կարգաւորման եւ ապակեդրոնացման նախարարութեան կից,

• Ֆրանսուազ Կաթէլ (UDI), Գիւղական հարցերու նախարարի պատուիրակ, Տարածաշրջանային կարգաւորման եւ ապակեդրոնացման նախարարութեան կից,

• Ժիւլիէթ Մէատէլ (զանազան Ձախ), Քաղաքներու պատասխանատու նախարարի պատուիրակ, Տարածաշրջանային կարգաւորման եւ ապակեդրոնացման նախարարութեան կից,

• Պենժամէն Հատատ (Վերածնունդ), Եւրոպայի հարցերու նախարարի պատուիրակ, Եւրոպական հարցերու եւ արտաքին գործոց նախարարութեան կից,

• Լոռան Սէն-Մարթէն (Վերածնունդ), Արտաքին առեւտուրի եւ արտասահմանի ֆրանսացիներու հարցերու գծով նախարարի պատուիրակ, Եւրոպական հարցերու եւ արտաքին գործոց նախարարութեան կից,

• Թանի Մոհամէտ Սոիլիհի (Վերածնունդ), Ֆրանսախօսութեան եւ միջազգային գործընկերութեան հարցերու գծով նախարարի պատուիրակ, Եւրոպական հարցերու եւ արտաքին գործոց նախարարութեան կից։