Մարսիլիոյ դպրոցներէն մէկը պիտի կրէ Հայոց ցեղասպանութիւնը վերապրած, Ֆրանսական դիմադրութեան հերոս Միսաք Մանուշեանի եւ անոր կնոջ՝ Մելինէ Մանուշեանի անունը։

Այս մասին կը գրէ La Provence թերթը, աւելցնելով, որ որոշումը յայտարարած է Մարսիլիոյ քաղաքապետ Պընուա Փայան։ Ան աւելցուցած է, թէ այդ պիտի կատարուի 2025-ին, երբ աւարտին հասնի Լա Գափըլէթի (10-րդ թաղամաս) դպրոցի շինութիւնը։ 

«Միսաք եւ Մելինէ Մանուշեանի անունով դպրոց անուանակոչելը ամենագեղեցիկ յարգանքի տուրքն է, որ կրնանք մատուցել անոնց»,– ըսած է քաղաքապետը։