1920-ականներուն Լիբանանի Ղազիր որբանոցին մէջ հայ որբերու հիւսած գորգը՝ Գալիֆորնիոյ նահանգային համալսարանի դասախօս, դոկտ. Վահրամ Շեմմասեան նուիրեց Հայոց ցեղասպանութեան թանգարան-հիմնարկին։ Ան գորգը գնած էր ելեկտրոնային աճուրդի մը ընթացքին:
Գորգը ունի ծաղկային պատկերներ եւ հիւսուած է 1923-ին հիմնադրուած գորգագործական գործատան մէջ:
Գործատունը հիմնադրուած էր Ղազիրի «աղջկանց որբանոց»-ի տնօրէն, զուիցերացի վիրաբոյժ եւ բարեգործ Յակոբ Գիւնզլերի ջանքերով: Հայ որբերուն եւ դժուար պայմաններու տակ յայտնուածներուն ցուցաբերած հոգատարութեան համար զինք անուանած են «Հայ որբերու հայր»: Գործատան աշխատանքները ղեկավարած է ուրֆացի Յովհաննէս Թաշճեան։
© 2023 Բոլոր իրաւունքները վերապահուած են։
