ԱՄՆ-ու Փիցպուրկի համալսարանի (Փենսիլվանիա) Հայկական ամպիոնի յանձնախումբը Յունուար 11-ին կազմակերպած է «Նօթեր Հայաստանէն (« Notes from Armenia ») խորագրով հայկական դասական երաժշտութեան համերգ մը՝ ներկայացնելով Հայաստանի հարուստ մշակոյթէն պատառիկ մը։

Համերգին հանդէս եկած են Trio Shell եւ Kassia Ensemble խումբերը, որոնք կատարած են Կոմիտասի, Առնօ Բաբաջանեանի, Արամ Խաչատրեանի եւ այլ նշանաւոր հայ երգահաններու ստեղծագործութիւններէն փունջ մը:

Trio Shell երրեակը՝ դաշնակահար Շուշան Յակոբեան, ջութակահար Լիլիթ Զաքարեան եւ թաւջութակահար Քաթիա Ջանփոլատեան, ստեղծուած է 1996-ին Երեւան եւ միջազգային հարթակին վրայ համբաւ կը վայելէ: Իսկ Kassia Ensemble-ը՝ կիներէ կազմուած սենեկային երաժշտական խումբ մըն է:

Շնորհալի արուեստագէտներուն կատարումները հիացուցած են հայ եւ օտար հանդիսականները։

Կասիա համոյթը