Ցեղասպանութեան կանխարգիլման Լեմքին միջազգային հիմնարկը Հայաստանի կառավարութեան կոչ ըրած է չնպաստել Ալիեւի կողմէ առաջադրուող գաղափարներու հիմնաւորման:
Փետրուար 22-ին Հիմնարկը հրատարակած է յայտարարութիւն մը, ուր մասնաւորապէս նշուած է հետեւեալը.
«Նկատի առնելով Ազերպայճանի կողմէ շարունակուող սպառնալիքները՝ Լեմքին հիմնարկը մտահոգ է Հայաստանի կառավարութեան վերջին գործողութիւններով։ Այս գործողութիւնները կը ներառեն Սահմանադրութեան մէջ առաջարկուող փոփոխութիւնները եւ մշակութային նշանակալից խորհրդանիշերու օգտագործումը, ինչպէս Արարատ լեռան անունը եւ զինանշանը, ազգային փառերգի փոփոխութիւնները եւ «Հայոց պատմութիւն» առարկայի դասագիրքին մէջ առաջարկուող փոփոխութիւնը։
Նման առաջարկները տագնապի հիմք կը հանդիսանան, քանի որ անոնք կրնան սաստկացնել նախագահ Ալիեւի ներկայի քարոզարշաւը եւ ակամայ ամրապնդել անոր առաջադրած գաղափարները»:
© 2023 Բոլոր իրաւունքները վերապահուած են։
