Վար­չա­պետ Նի­կոլ Փա­շինեան կնոջ՝ Ան­նա Յա­կոբեանի հետ, Յու­լիս 17-20 աշ­խա­տան­քա­յին այ­ցով մեկ­նած է Միացեալ Թա­գաւո­րու­թիւն՝ Լոն­տոն, մաս­նակցելու համար հոնկէ շուրջ հա­րիւր քի­լոմեթր հեռաւորութեան վրայ գտնուող Օքսֆորտշայ­րի Պլեն­հայմ պա­լատին մէջ կա­յացող Եւ­րո­պական քա­ղաքա­կան հա­մայնքի 4-րդ հա­մաժո­ղովին: 

Միացեալ Թա­գաւո­րու­թեան մէջ վար­չա­պետը շարք մը երկկողմ հան­դի­պումներ ալ ու­նե­ցած է տար­բեր եր­կիրնե­րու առաջ­նորդնե­րու հետ:

Այս համաժողովին կը մասնակցէր նաեւ Ազերպայճանի նախագահ Իլ­համ Ալիեւ։ Ըստ երեւոյթին, բրիտանական կողմը փորձած է կազմակերպել հանդիպում մը անոր եւ Փաշինեանի միջեւ։

Սակայն, փորձը չէ յաջողած եւ Յու­լիս 18-ին Երե­ւան եւ Պա­քու զի­րար ամ­բաստա­նած են այդ հան­դիպման տա­պալ­ման մե­ղադ­րանքով։

Նախ ազեր­պայճա­նական կող­մը՝ յան­ձին նա­խագա­հի օգ­նա­կան Հիք­մեթ Հա­ճիեւի՝ պնդած է, թէ Հա­յաս­տա­նի վար­չա­պետ Նի­կոլ Փա­շինեան մեր­ժած է եր­կու եր­կիրնե­րու առաջ­նորդնե­րու հան­դի­պում կազ­մա­կեր­պե­լու Լոն­տո­նի առա­ջար­կը։ 

Մէկ ժամ ետք Հա­յաս­տա­նի Ար­տա­քին գոր­ծոց նա­խարա­րու­թիւնը հա­կազ­դած է, նշե­լով թէ «Հայ­կա­կան կող­մը առա­ջար­կած է Հա­յաս­տա­նի վար­չա­պետի եւ Ազեր­պայճա­նի նա­խագա­հի երկկողմ հան­դի­պում՝ Եւ­րո­պական քա­ղաքա­կան հա­մայնքի հա­մաժո­ղովի շրջա­նակին մէջ, սա­կայն ազեր­պայճա­նական կող­մը մեր­ժած է առա­ջար­կը, որ կը շա­րու­նա­կէ մնալ ի զօ­րու: Հայ­կա­կան կող­մը նաեւ կը վե­րահաս­տա­տէ իր առա­ջար­կը` աշ­խուժաց­նել բարձրա­գոյն մա­կար­դա­կով բա­նակ­ցութիւննե­րը եւ մէկ ամ­սուան ըն­թացքին հաս­նիլ խա­ղաղու­թեան պայ­մա­նագ­րի ստո­րագ­րութեան»։ ■