Օգոստոս 30-ին, Մոսկուայի մէջ տեղի ունեցած է Հայաստանի եւ Ազերպայճանի միջեւ պետական սահմանազատման ու սահմանային անվտանգութեան հարցերու յանձնաժողովի երկրորդ նիստը՝ Հայաստանի փոխվարչապետ Մհեր Գրիգորեանի եւ Ազերպայճանի փոխվարչապետ Շահին Մուսթաֆաեւի նախագահութեամբ:

Նիստին ընդառաջ Ռուսաստանի փոխվարչապետ Ալեքսեյ Օվերչուք հանդիպում ունեցած է Մուսթաֆաեւի եւ Գրիգորեանի հետ եւ ողջունած՝ յանձնաժողովի աշխատանքներուն շարունակումը։

Կողմերը քննարկած են կազմակերպչական եւ ընթացակարգային հարցեր, մտքեր փոխանակած են յանձնաժողովներու միատեղ գործունէութեան կանոնակարգի եւ հետագայ աշխատանքներու շուրջ: Անոնք երախտագիտութիւն յայտնած են ռուսական կողմին՝ հանդիպումը բարձր մակարդակով կազմակերպելուն համար: