Տնտեսութեան նախարար Վահան Քերոբեան Յունուար 8-ին սարքոււած՝ 2023-ի ամփոփիչ ասուլիսին յայտարարած է, թէ անցեալ տարուան տնտեսական աճը կ՚ակնկալուի 8,3-8,5 տոկոսի միջեւ:

Նախարարին գնահատականով՝ իւրաքանչիւր քաղաքացիի բաժին ինկող ՀՆԱ-ն (PIB) ալ 2023-ին կը կազմէ շուրջ 8280 տոլար: Ան յիշեցուցած է, որ 2017-ին Հայաստան ՀՆԱ-ի ցուցանիշով 196 երկրի միջեւ 122-րդ էր, 2020-ին՝ 112-րդ եւ 2023-ի արդիւնքներով կը նախատեսուի բարձրանալ 86-րդ դիրք: “Սրանք Արժոյթի միջազգային հիմնադրամի (FMI) կանխատեսումներն են”,– նշած է նախարարը:

«Հայաստանեան շուկայ մուտք կը գործեն աշխարհի մեծագոյն ընկերութիւններէն  երեքը»

   Միւս կողմէ, նոյն ասուլիսին մասնակցած Տնտեսութեան փոխնախարար Անի Իսպիրեանի համաձայն ալ կը նախատեսուի, որ աշխարհի մեծագոյն ընկերութիւններէն երեքը ներկայացուցչութիւն բանան Հայաստանի մէջ: 

“2024 թուականին պէտք է իրականացնենք 21 միջոցառում, որոնց շնորհիւ ներդրումային եւ գործարար միջավայրը պէտք է զարգանայ”,– ըսած է ան:

Փոխնախարարը ուշադրություն հրաւիրած է 3 կարեւորագոյն կէտերու վրայ՝ յուսալով, որ անոնք շուտով կ՚իրականացուին: “Մէկը աշխարհի խոշորագոյն 500 ընկերութիւններից 3-ի՝ Հայաստանում ներկայացուցչութեան բացումն է: Երկրորդը՝ աշխարհի 30 խոշորագոյն լաւագոյն ապրանքանիշերի համապատասխան ցուցակներից նոյնպէս Հայաստան մուտք գործելն է”,–ըսած է փոխնախարարը:

Ինչ կը վերաբերի երրորդ կէտին, տնտեսապէս բարդ ապրանքներու արտադրութեան խթանման ծրագիրն է: Կառավարութիւնը նպատակադրած է մինչեւ 2026 թուականը Հայաստանի տնտեսական բարդութեան ցուցիչը դարձնել առնուազն 01: Բոլոր այն արտադրողները, որոնք կ՚արտադրեն 02 եւ աւելի բարձր բարդութիւն ունեցող ապրանքներ եւ կը ներդրեն առնուազն 1 միլիառ դրամ դրամագլուխ, կրնան դիմել եւ ստանալ մինչեւ 35 տոկոս փոխհատուցում: