Ալիեւ եւս հրաւիրուած է

Յունուար 20–24 Զուիցերիոյ Տաւոս քաղաքին մէջ կայանալիք միջազգային տնտեսական տարեկան համաժողովին կը մասնակցի վարչապետ Նիկոլ Փաշինեան։ Լուրը կը հաղորդէ վարչապետի մամլոյ քարտուղար Նազելի Բաղդասարեան։

Համաժողովին ներկայ պիտի ըլլան 130 երկրի շուրջ 3.000 ներկայացուցիչներ և 350 պետական գործիչներ, որոնց կարգին 60 պետութեան ու կառավարութեան ղեկավարներ:

Նշենք, թէ Տաւոս հրաւիրուած է նաեւ Ազերպայճանի նախագահը։ Իսկ ԱՄՆ-ու նորընտիր նախագահ Տանըլտ Թրամփ ժողովին կը մասնակցի տեսակապով։