Մոնմարթրը միշտ ալ եղած է Փարիզի ամէնէն աշխուժ, խորհրդանշական եւ արուեստով լի թաղերէն մէկը:

Շառլ Ազնաւուրի ծննդեան 100-ամեակին առիթով Մոնմարթրի սրտին մէջ զետեղուած է յուշատախտակ մը։ Իր պոհեմական մթնոլորտով եւ գեղարուեստական հարուստ ժառանգութեամբ յայտնի թաղը հրաշալի ընտրութիւն է Ֆրանսայի սիրուած մշակութային գործիչներէն մէկուն յարգանքի տուրք մատուցելու համար:

Այսպէս, Ազնաւուրի յիշատակին, թաղամասին մէջ զետեղուած է  յուշատախտակ մը, որու բացման արարողութեան ներկայ եղած են անոր որդին՝ Միշան, Հայաստանի դեսպան Յասմիկ Տոլմաջեան, ընկերներ եւ Ազնաւուրի արուեստի բազմաթիւ սիրահարներ։