Յունուար 13-ին, Երեւանի մէջ լրագրողներու հետ ունեցած ասուլիսին, Ֆրանսայի դեսպան Օլիվիէ Տըքոթինյի վերահաստատած է Ֆրանսայի աջակցութիւնը Հայաստանին։
«Այն աջակցութիւնը, որ Ֆրանսա կը ցուցաբարէ Հայաստանին, շատ աւելի յստակ կերպով ներկայացուած է նախագահ Էմանիւէլ Մաքրոնի կողմէ՝ առանց նախապայմանի, ամբողջական եւ հաստատուն»,– ընդգծած է դեսպանը։
Ան խաղաղութիւն մաղթած է Հայաստանին՝ նշելով, թէ բառերը բաւարար չեն խաղաղութեան հասնելու համար, հետեւաբար ինք անգամ մը եւս կը վերահաստատէ Ֆրանսայի յանձնառութիւնը Հայաստանի խաղաղութեան նկատմամբ։
«Սա տարածաշրջանին մէջ երկարատեւ եւ արդար խաղաղութեան յանձնառութիւն է, բայց նաեւ յանձնառութիւն է Հայաստանի կողքին ըլլալու, պահպանելու անոր տարածքային ամբողջականութիւնն ու անձեռնմխելիութիւնը»,– եզրափակած է դեսպան Տըքոթինյի։
© 2023 Բոլոր իրաւունքները վերապահուած են։
