Սէն թ՚Էթիէնի քաղաքապետ Կաէլ Փերտրիուի գլխաւորած պատուիրակութիւնը աշխատանքային այցելութեամբ կը գտնուի Կապան։

Հիւրերը այցելած են քաղաքի ֆրանսախօսութեան ապագայ կեդրոնի վայրը, ծանօթացած՝ ընթացող աշխատանքներուն։

Հայաստանի մէջ Ֆրանսական հիմնարկի տնօրէն Կիյոմ Նարժոլէ X-ի իր հաշիւին գրած է, թէ այս հանդիպումը ցոյց կու տայ ապակեդրոնացուած համագործակցութեան ներուժը Ֆրանսայի եւ Հայաստանի միջեւ կապերու ամրապնդման տեսանկիւնէն։

Հիւր պատուիրակութիւնը այցելած է նաեւ Ծիծեռնակաբերդ եւ յարգանքի իր տուրքը մատուցած՝ նահատակներու յիշատակին։