Արցախի Տեղեկատուական կեդրոնը կը հաղորդէ.-
«Մարտ 28−ի ընթացքում շփման գծի ամբողջ երկայնքով հրադադարի էական խախտումներ չեն արձանագրուել եւ իրավիճակը մնացել է լարուած:
Ադրբեջանական զօրքերը շարունակում են մնալ Քարագլխի՝ Փառուխին յարակից հատուածում ամրացուած յենակէտերում, եւ օրուայ ընթացքում դիրքային փոփոխութիւններ չեն արձանագրուել:
Արցախի զինուած ուժերը ձեռնարկել են նախազգուշական ու զսպող լրացուցիչ միջոցառումներ յատկապէս Քարագլխի ուղղութեամբ: Դրան զուգահեռ, շարունակւում են աշխատանքները ռուս խաղաղապահ զօրակազմի հրամանատարութեան հետ՝ նպատակ ունենալով ադրբեջանական կողմին վերադարձնել իրենց ելման դիրքերը:
Յորդորում ենք բոլորին ցուցաբերել հանդարտութիւն եւ հետեւել պաշտօնական լրահոսին»։
