Ալֆոր­վի­լի Espace 148 մշա­կու­թա­յին կեդ­րո­նին մէջ Դեկ­տեմբեր 18-էն 23 տե­ղի ու­նե­ցաւ «Հա­յաս­տա­նեան բոյ­րեր» (« Parfums d’Arménie ») անդրա­նիկ ձեռ­նարկը, նա­խաձեռ­նութեամբ՝ «Յոյս՝ Հա­յաս­տա­նի հա­մար» ըն­կե­րակ­ցութեան, հա­մագոր­ծակցու­թեամբ՝ Վալ-տը-Մառ­նի Ֆրան­քեւհայ­կա­կան դա­շին­քին, բարձր հո­վանա­ւորու­թեամբ՝ Ալ­ֆորվի­լի քա­ղաքա­պետ Լիւք Գար­վունա­սի եւ Ֆրան­սա­յի մէջ Ար­ցա­խի Հան­րա­պետու­թեան մնա­յուն ներ­կա­յացու­ցիչ Յով­հաննէս Գէոր­գեանի։

«Սուրբ ծնունդը՝ Ար­ցա­խի երա­խանե­րուն հա­մար» բնա­բանով կազ­մա­կեր­պուած այս ձեռ­նարկին նպա­տակն էր վեց օրե­րու վրայ տա­րածուող՝ գե­ղան­կարչա­կան ստեղ­ծա­գոր­ծութիւննե­րու ցու­ցա­հան­դէ­սէն, գիր­քե­րու վա­ճառք-մա­կագ­րութե­նէն, ըն­կե­րակ­ցութիւննե­րու տա­ղաւար­նե­րու առա­ջար­կած ար­հեստա­գոր­ծա­կան ու այլ զա­նազան իրե­րու վա­ճառ­քէն հան­գա­նակուելիք գու­մարնե­րու ըն­ձե­ռած մի­ջոց­նե­րով, տօ­նական այս օրե­րուն որ­քան կա­րելի է՝ ժպիտ մը դրոշ­մել Ար­ցա­խի տա­րաբախտ երա­խանե­րու դէմ­քին։ Տե­ղի ու­նե­ցան նաեւ փոք­րիկնե­րու հա­մար՝ նկար­չութեան, քան­դա­կագոր­ծութեան աշ­խա­տանոց­ներ, հէ­քեաթասացութեան պա­հեր։

«Հա­յաս­տա­նեան բոյ­րեր»-ու բա­ցու­մը կա­տարուեցաւ Շա­բաթ, Դեկ­տեմ­բեր 18-ին, բա­ւա­կան հոծ բազ­մու­թեան մաս­նակ­ցու­թեամբ։

Կամ­քէ ան­կախ պատ­ճառնե­րով բա­ցակայ քա­ղաքա­պետ Գար­վունա­սը կը ներ­կա­յաց­նէր անոր՝ մշա­կու­թա­յին հար­ցե­րու կցոր­դը՝ Ֆի­լիփ Գառ, իր կող­քին ու­նե­նալով բազ­մա­թիւ ընտրեալ­ներ, ի շարս որոնց՝ քա­ղաքա­պետա­կան խորհրդա­կան­ներ Կա­րօ Խա­չիկեանն ու Սա­րօ Մար­տի­րեանը։ Ներ­կայ էին նաեւ Ալ­ֆորվի­լի Ս. Պետ­րոս-Ս. Պօ­ղոս եկե­ղեց­ւոյ հո­վիւ հայր Տի­րայր աւագ քհնյ Գըլը­ճեան եւ պա­տուե­լի Ժոէլ Մի­քայէ­լեան, ինչպէս նաեւ հայ­կա­կան ըն­կե­րակ­ցութիւննե­րու եւ կազ­մա­կեր­պութիւննե­րու ներ­կա­յացու­ցիչներ։

«Յոյս՝ Հա­յաս­տա­նի հա­մար» ըն­կե­րակ­ցութեան անու­նով ար­տա­սանած իր ող­ջոյնի խօս­քին մէջ պա­տուե­լի Ժիլ­պէր Լե­ւոնեան շնոր­հա­կալու­թիւն յայտնեց քա­ղաքա­պետա­րանին, քա­ղաքա­պետին եւ քա­ղաքա­պետա­րանի բո­լոր ծա­ռայու­թիւննե­րուն՝ այս ձեռ­նարկին յա­ջողու­թեան հա­մար իրենց ան­սա­կարկ ներդրման հա­մար։ Այ­նուհետեւ ան մէջ­բե­րեց Ուի­լիըմ Սա­րոյեանի մէկ բնա­գիրը, ուր աշ­խարհահռչակ գրո­ղը կը յի­շեց­նէ, որ հայ ժո­ղովուրդը իր են­թարկուած բո­լոր փո­թորիկ­նե­րու ըն­թացքին միշտ գիտ­ցած է գլուխ բարձրաց­նել եւ շա­րու­նա­կել ապ­րիլ ամուր եւ խի­զախ՝ ոգին ու հայ­կա­կան ինքնու­թիւնը յա­ւեր­ժացնե­լով եւ փո­խան­ցե­լով, աշ­խարհի բո­լոր եր­կիրնե­րուն մէջ նոր Հա­յաս­տան մը վերստեղ­ծե­լու հա­մար։

Ֆի­լիփ Գառ այս վեր­ջին խօս­քե­րուն վրայ շեշ­տը դնե­լով հաս­տա­տեց, թէ Ալ­ֆորվի­լի տար­բեր քա­ղաքա­պետե­րը որ­քա՛ն աջակ­ցած են եւ կը շա­րու­նա­կեն աջակ­ցիլ Ֆրան­սա­հայե­րուն՝ անոնց բո­լոր պայ­քարնե­րուն, եւ յատ­կա­պէ՛ս Ար­ցա­խի խա­ղաղու­թեան եւ անվտան­գութեան ի խնդիր պայ­քա­րին մէջ, 44-օրեայ պա­տերազ­մէն յե­տոյ։

Այ­նուհետեւ ար­տա­յայ­տուեցաւ Յով­հաննէս Գէոր­գեան, որ շնոր­հա­կալու­թիւն յայտնեց «Յոյս՝ Հա­յաս­տա­նի հա­մար» ըն­կե­րակ­ցութեան, այս գե­ղեցիկ նա­խաձեռ­նութեան հա­մար։ Ան ընդգծեց, որ Ար­ցա­խի ժո­ղովուրդն ու անոր կա­ռավա­րու­թիւնը կ՚ընեն ամէն ինչ՝ վե­րականգնե­լու հա­մար բնա­կանոն կեան­քը, ինչպէս նաեւ խրա­խու­սե­լու՝ եր­կիր վե­րադար­ձը։

Հուսկ, պա­տուե­լի Լե­ւոնեան շնոր­հա­կալու­թիւն յայտնեց այս ցու­ցա­հան­դէ­սի բո­լոր դե­րակա­տար­նե­րուն՝ գե­ղան­կա­րիչ Տի­պասա­րին (Տի­պար Ափար­թեան), քան­դա­կագործ Արիս­տա­կէսին, գիր­քե­րու հե­ղինակ­ներ՝ Հան­րի Գիւ­նիին, Ժան-Վա­րու­ժան Սրա­պեանին, Վա­լերի Թո­րանեանին, Արա Գրի­գորեանին եւ Հրայր Հրա­չեանին, Սե­դա Փա­փազեանին, Ժիւ­լի Ար­թի­նօղ­լուին, Մա­րի-Գլէր Մար­կո­սեանին, Վալ-տը-Մառ­նի Ֆրան­քեւհայ­կա­կան դա­շին­քի ներ­կա­յացու­ցիչներ Միւ­ռոն Գու­յումճեանին եւ Մա­րօ Տէ­յիր­մենճեանին, «Յոյս՝ Հա­յաս­տա­նի հա­մար» եւ «Շէն-Ֆրան­սա» ըն­կե­րակ­ցութիւննե­րուն՝ իրենց տա­ղաւար­նե­րուն հա­մար, Վար­դան եւ Մա­րալ Սար­մա­զեանին (Հա­յաս­տա­նէն), իրենց ասեղ­նա­գոր­ծութիւննե­րուն հա­մար։

Վեր­ջա­ւորու­թեան, ան ընդգծեց դե­րը բո­լոր անոնց, որոնք ձեռ­նարկին յա­ջողու­թեան հա­մար՝ անձնուիրա­բար տա­րած էին կազ­մա­կերպչա­կան ծանր աշ­խա­տանք եւ շնոր­հա­կալու­թիւն յայտնեց անոնց, ի մաս­նա­ւորի՝ Միւ­ռոն Գու­յումճեանին, Սթե­ֆանի Տար­քուռին, Գլա­րա Գու­յումճեանին եւ Լէա Լե­ւոնեանին։

Վարձքը կա­տար բո­լոր նուիրեալ­ներուն։

Թ.Շ. ■