Մարտ 3-ին, ՀՀ Ազգային ժողովը Վահագն Խաչատուրեանը ընտրած է Հայաստանի Հանրապետութեան նախագահ:
Փակ գաղտնի քուէարկութեան արդիւնքները յայտարարած է հաշուիչ յանձնախումբի նախագահ Նարեկ Բաբայեան: Նախագահի ընտրութեան երկրորդ փուլի քուէարկութեան մասնակցած է 71 երեսփոխան, որոնք բոլորն ալ թեր քուէարկած են:
Երեսփոխանները յոտնկայս ծափահարած և շնորհաւորած են Խաչատուրեանը: Այնուհետև նորընտիր նախագահը ելոյթ ունեցած է Ազգային ժողովի ամպիոնէն՝ շնորհակալութիւն յայտնելով վստահութեան համար:
Նշենք, թէ Խաչատուրեանի թեկնածութիւնը ներկայացուցած էր «Քաղաքացիական պայմանագիր» խմբակցութիւնը: Ընդդիմադիր «Հայաստան» և «Պատիւ ունեմ» խմբակցութիւնները նախագահի թեկնածութեան հարցին ո՛չ քննարկման, ո՛չ ալ քուէարկութեան մասնակցած են:
