Աշխատանքային այցով Երևան գտնուող Ռուսաստանի փոխվարչապետ Ալեքսէյ Օվերչուք, Փետրուար 2-ին հանդիպում ունեցած է Հայաստանի իր պաշտօնակից Մհեր Գրիգորեանի հետ։
Հանդիպումին մասնակցած են նաև «Ռուսական երկաթուղիներ» ընկերութեան ընդհ. տնօրէն Օլեկ Պելոզիորով և Հայաստանի մէջ Ռուսաստանի դեսպան Սերկէյ Քոփիրքին:
«Կողմերը անդրադարձած են Հայաստանի, Ռուսաստանի և Ազէրպայճանի փոխվարչապետերու միատեղ նախագահութեամբ եռակողմ աշխատանքային խումբին օրակարգային հարցերուն, ինչպէս նաև Հարաւային Կովկասի տարածաշրջանի երթեւեկութեան եւ հաղորդակցութիւններու վերականգնման հեռանկարներուն»,– նշուած է կառավարութեան հրապարակած հաղորդագրութեան մէջ։
Գրիգորեան եւ Օվերչուք քննարկած են նաև ռուս–հայկական առևտրա–տնտեսականհամագործակցութեանառնչուողհարցեր։
Փաշինեան.– «Մենք շատ մօտ ենք արձանագրելու հաղորդակցութիւններու բացման աշխատանքային խումբի առաջին գործնական արդիւնքները»
Փետրուար 3-ին տեղի ունեցած կառավարութեան նիստին, վարչապետ Փաշինեան անդրադառնալով Ռուսաստանի փոխվարչապետ Օվերչուքի եւ «Ռուսական երկաթուղիներ» ընկերութեան տնօրէնին Փետրուար 2-ին Հայաստան այցելութեան, յայտարարած է.– “Այս այցը շատ կարևոր է եւ մենք շատ մօտ ենք արձանագրելու տարածաշրջանի հաղորդակցութիւնների բացման գծով եռակողմ աշխատանքային խմբի առաջին գործնական արդիւնքները”։
Նկատելով, որ նախորդ օրուան այցելութիւնը ամբողջութեամբ նուիրուած էր Երասխ–Ջուղա–Մեղրի–Հորադիզ երկաթուղիի կառուցման աշխատանքներուն՝ վարչապետը տեղեկացուցած է, թէ այդ առումով արդէն համաձայնութիւններ գոյացած են, ուր ընդգծուած է, թէ երկաթուղին Հայաստանի տարածքին պէտք է գործէ ՀՀ օրէնսդրութեան համապատասխան, իսկ Ազէրպայճանի տարածքին՝ անոնց օրէնքին համաձայն։
Փաշինեան աւելցուցած է, թէ ներկայիս կը քննարկուին թէքնիք հարցերու ձեւակերպման, շինարարական եւ գանձատրման մանրամասնութիւնները։
“Քանի դեռ երկաթուղին չի կառուցուել և առաջին գնացքը չի անցել, պէտք է միշտ մտքում ունենալ, որ իրադրութիւնը սովորական չէ, բայց ա՛յն քաղաքական կամքը, որը արտայայտել ենք, ստանում է կոնկրէտ դրսևորումներ”,– եզրափակած է վարչապետը։
