Հայաստանի մարդկային իրաւանց պաշտպան Արման Թաթոյեանի Ամանորի շնորհաւորական ուղերձը․-
«Սիրելի՛ հայրենակիցներ,
Անցնող տարին լի էր դժուարութիւններով բոլորիս համար:
Աղէտաբեր պատերազմի անդառնալի կորուստների ցաւը շարունակում է տանջել մեզ:
Կանգնած ենք մեր անվտանգութիւնն ապահովելու խնդրի առջեւ:
Այս գլխաւոր մարտահրաւէրը պահանջում է գիտակցել, որ անվտանգութիւնը չի կարելի կտրել մարդուց. այդ ճանապարհով շարժուողն անվտանգութիւնից էլ է զրկւում:
Մարդն ու նրա իրաւունքները պէտք է դրուեն բոլոր որոշումների հիմքում՝ սկսած անվտանգութիւնից մինչ բանտեր, երեխաների հաստատութիւններ, զինծառայողներ ու պետական համակարգի քաշքշուքներ:
Այս գաղափարով պէտք է տանենք մեր պետականութեան ուժեղացման համար պայքարը և պէտք չէ թուլացնենք մեր զգօնութիւնը։
Մեր միասնական նպատակի համար պէտք է օգտագործենք Հայաստանի, Արցախի և Սփիւռքի հաւաքական ուժն ու նուիրական լոյսի պէս պահենք մեր պետականութիւնը՝ մեր իրաւունքների գլխաւոր երաշխաւորին:
Թո՛ղ, որ Նոր տարին խաղաղութիւն և առողջութիւն, միայն բարիք բերի մեր ժողովրդին»:
