Սեպտեմ­բեր 22-ին, ՄԱԿ-ի հա­մաժո­ղովին մաս­նակցե­լու նպա­տակով Նիւ Եորք գտնուող Հա­յաս­տա­նի Ար­տա­քին գոր­ծոց նա­խարար Արա­րատ Միր­զո­յեան հան­դի­պում ու­նե­ցած է Ֆրան­սա­յի իր պաշ­տօ­նակից Ժան-Իվ Լը Տրիանի հետ։ Լու­րը հա­ղոր­դած է ՀՀ ԱԳ նա­խարա­րու­թիւնը։

Կող­մե­րը քննար­կած են զա­նա­զան մար­զե­րու մէջ ֆրան­քեւհայ­կա­կան հա­մա­գոր­ծակցու­թեան ընդ­լայն­ման առնչուող հար­ցեր։ Նա­խա­րար­նե­րը անդ­րա­դար­ձած են նա­եւ 44-օրեայ պա­տե­րազ­մին հետեւան­քով ստեղ­ծուած մար­դա­սիրա­կան խնդիր­նե­րուն եւ Ար­ցա­խի հա­կամար­տութեան կար­գա­ւոր­ման հե­ռան­կար­նե­րուն։

Նա­խարար Միր­զո­յեան յատ­կա­պէս շեշ­տը դրած է Ազէր­պայճան պա­հուող հայ ռազ­մա­գերի­ներու և քա­ղաքա­ցի պա­տանդնե­րու ան­յա­պաղ վե­րադար­ձի հար­ցին վրայ։ Եր­կուստեք ընդգծած են ԵԱՀԿ-ի Մինսքի խումբի հա­մանա­խագա­հու­թեան հո­վանա­ւորու­թեամբ խա­ղաղ լուծման գոր­ծըն­թա­ցի վերսկսման անհրա­ժեշ­տութիւնը։ ■