Քրեմլին ար­ձա­գան­գած է Թուր­քիոյ նա­խա­գահ Էր­տո­ղա­նի՝ ՄԱԿ-ի ամ­պիոնէն կա­տա­րած յայ­տա­րարու­թեան, որով ան ճա­նչ­ցած էր Ուք­րաինա­յի հո­ղային ամ­բող­ջա­կա­նու­թիւնը, դա­տա­պար­տե­լով «Ղրի­մի բռնակ­ցումը Ռու­սաստա­նին»։

“Ղրի­մի հար­ցին կա­պակ­ցութեամբ Ան­գա­րայի ար­տա­յայ­տած տե­սակէ­տին հետ մենք բնա՛ւ հա­մաձայն չենք, բայց պի­տի շա­րու­նա­կենք աշ­խա­տիլ թրքա­կան կող­մին հետ”,- յայտնած է Քրեմ­լի­նի ներ­կա­յացու­ցիչ Տմիթ­րի Փես­քով։

Ռու­սաստա­նի նա­խագա­հին բան­բե­րը աւել­ցուցած է.- “Կը ցա­ւինք, որ այդ յայ­տա­րարու­թիւննե­րը այ­սօր կը հնչեն, երբ կը նա­խապատ­րաստուի [Թուրքիոյ] նա­խագա­հին Ռու­սաստան այ­ցե­լու­թիւնը։ Մենք պի­տի նա­խընտրէինք կեդ­րո­նանալ երկկողմ յա­րաբե­րու­թիւննե­րու հե­տագայ զար­գացման եւ եր­կու եր­կիրնե­րու միջեւ առ­կայ տա­րածաշրջա­նային լա­րուած խնդիր­նե­րու լուծման վրայ”։

Աւելցնենք, որ Ուքրաինայի նախագահ Վլատիմիր Զելենսկի Էրտողանի հետ ԱՄՆ-ու մէջ ունեցած հանդիպումին՝ շնորհակալութիւն յայտնած է անոր, ՄԱԿ-ի բեմէն Ղրիմի բռնակցումը չճանչնալու իր հաստատակամ դիր­քորոշման համար։ ■