Սերգեյ Փարաճանովի մասին պատմող գեղարուեստական, վաւերագրական «I will revenge this world with love» («Ես այս աշխարհէն վրէժխնդիր պիտի ըլլամ՝ սիրով. Ս. Փարաճանով») ֆիլմը կը ցուցադրուի Վենետիկի փառատօնին (Օգոստոս 28-Սեպտեմբեր 7)։

Բեմադիր Զառա Ճիանի ժապաւէնին մէջ կարելի է հանդիպիլ Ատոմ Եղոյեանին, Արտաւազդ Փելեշեանին, Էմիլ Գոսթուրիցային եւ այլոց, որոնք կը խօսին Փարաճանովի արուեստին մասին, կը յիշեն իրենց ծանօթութիւնը անոր հետ։