ԱՓԱ լրատու գործակալութեան համաձայն՝ Իրանի Արտաքին գործոց նախարար Հոսէյն Ամիր Ապտոլլահեան Պաքուի մէջ յայտարարած է, թէ Իրան կողմ է Երեւանի եւ Պաքուի միջեւ երկխօսութեան շարունակման, Հարաւային Կովկասի մէջ հաղորդակցութեան ճամբաներու բացման, բայց դէմ է տարածաշրջանէն ներս սահմաններու փոփոխութեան։
Իրանցի դիւանագէտը մասնաւորապէս նշած է, որ հայ-ազերպայճանական բանակցութիւնները պէտք է շարունակուին եռակողմ յայտարարութիւններու շրջանակին մէջ։ «Այս տարածաշրջանը տարանցիկ մեծ ներուժ ունի: Եթէ վերականգնուին երթեւեկութեան կապերը, Հարաւային Կովկասը կրնայ դառնալ աշխարհի տարանցիկ կեդրոնը: Իրան կ՚աջակցի այդ նպատակին եւ ներուժի իրագործման համար»,– ըսած է ան:
Նշենք, թէ Ապտոլլահեան նոյն օրը հանդիպում ունեցած է Իլհամ Ալիեւի հետ։
