Ապրիլ 6-ին, Պաքուի մէջ Իրանի դեսպան Սեյիտ Ապպաս Մուսավի հրաւիրուած է Արտաքին գործոց նախարարութիւն, ուր անոր դժգոհութիւն յայտնած են վերջին շրջանին «Ազերպայճանի նկատմամբ Թեհրանի գրգռիչ գործողութիւններու կապակցութեամբ»։ Լուրը կը հաղորդէ haqqin.az։

Դեսպանին տեղեկացուցած են, որ Իրանի դեսպանութեան չորս աշխատակիցներ Ազերպայճանի կառավարութեան կողմէ յայտարարուած են «անբաղձալի անձ»՝ դիւանագիտական կարգավիճակին չհամապատասխանող եւ 1961-ի Վիեննայի համաձայնագրին հակասող գործունէութեան պատճառով։ Անոնք 48 ժամուան մէջ պէտք է լքեն Ազերպայճանը։ ■