Ազերպայճանի Արտաքին գործոց փոխնախարար Խալաֆ Խալաֆով յայտարարած է, թէ “Ղազախի շրջանի 7 գիւղի (Տաւուշի մարզի շրջապատուած գիւղեր – խմբ․) եւ Քիարքիի (Տիգրանաշէն – խմբ․) վերադարձը պիտի իրականացուի սահմանազատման գործընթացի պահանջներուն համապատասխան”:
“Հայաստան երբեք չի կրնար յայտարարել, որ անոնք Ազերպայճանի տարածքները չեն, անոնք Ազերպայճանինն են”,– ընդգծած է Խալաֆով, աւելցնելով՝ “այդ տարածքներու վերադարձը Ազերպայճանին՝ կը պահանջէ սահմանազատման գործընթաց, հետեւաբար հարցը կը քննարկուի այդ շրջանակին մէջ”:
Ազերպայճանցի փոխնախարարը յայտարարած է նաեւ, որ Հայաստանի հետ խաղաղութեան բանակցութիւններու մէջ պէտք է հիմք ընդունուին Պաքուի առաջարկած հինգ կէտերը:
***
Մայիս 5-ին շրջապատուած տարածքներու նիւթին անդրադարձած էր նաեւ Հայաստանի Անվտանգութեան խորհուրդի քարտուղար Արմէն Գրիգորեան։ Ան նշած էր, որ «մինչեւ այս պահը Հայաստանն ու Ադրբեջանն անկլաւների հարց չեն քննարկել»։
“Կարելի է ասել, որ երկու կողմից էլ (Հայաստանի եւ Ազերպայճանի – խմբ․) անկլաւ կայ, եւ դրանց տարածքները գրեթէ հաւասար են, երկու կողմն էլ լուռ է այս հարցում եւ այն դեռեւս չի քննարկուել: Մեր յոյսն այն է եւ հնարաւոր լուծման տարբերակն այն է, որ Հայաստանի անկլաւը թողնւում է Ադրբեջանին, Ադրբեջանի անկլաւները, որոնք Հայաստանի տարածքում են, մնում են Հայաստանին”,– նոյն օրը կառավարութեան նիստէն յետոյ լրագրողներու հետ ասուլիսին ըսած էր Գրիգորեան։
