«Թուրան» գործակալութիւնը յղում ընելով կառավարութեան մամլոյ ծառայութեան Յուլիս 20-ին հրապարակած հաղորդագրութեան նշած է, թէ Ազերպայճան պաշտօնապէս դիմում կատարած է Հայաստանին՝ Նախիջեւանի սահմանէն քանի մը հարիւր մեթր հեռաւորութեան վրայ՝ Երասխի մէջ կառուցուող «մետաղագործութեան» մեծ գործատան շինարարութիւնը դադրեցնելու պահանջով։
Նոյն աղբիւրին համաձայն՝ այս կապակցութեամբ Հայաստանի Բնապահութեան նախարարին դիմում կատարած է անոր ազերպայճանցի պաշտօնակից Մուխթար Պապաեւ։ Վերջինս ըսած է, որ Պաքու արդէն իսկ ЕSPOO համաձայնագրի շրջանակին մէջ նախաձեռնած է պաշտօնական ընթացակարգի։ «Պաքու կը պահանջէ դադրեցնել գործատան շինարարութիւնը, մինչև որ յստակացուի անոր շահագործման հնարաւոր ազդեցութիւնը շրջակայ միջավայրին վրայ»,– նշած է ազերպայճանցի նախարարը։
Հայկական կողմը բազմիցս ընդգծած է, որ Երասխի մէջ կառուցուող հայ-ամերիկեան գործատունը ոչ թէ «մետաղագործութեան» կը վերաբերի, այլ՝ մետաղաձուլարան է, եւ շրջակայ միջավայրին համար որեւէ վտանգ չի ներկայացներ:
