Եւրոպական Միութեան դեսպանուհի Անտրէա Վիքթորին.-
«Լեռնային Ղարաբաղի պատերազմին վէրքերը և փխրուն անվտանգութեան զգացումը դեռևս առկայ են։ Եւրոպական Միութիւնը իր կարելին կ՚ընէ Հայաստանին և հայ ժողովուրդին այս դժուար կացութեան մէջ աջակցելու ուղղութեամբ, կը շարունակէ աշխատանքը՝ մեղմացնելու համաճարակի և պատերազմի հետևանքները և օգնել բարելաւելու Հայաստանցիներու կեանքը, ստեղծելու աշխատատեղեր և խթանելու տնտեսական աճը»։
ԱՄՆ-ու դեսպանուհի Լին Թրէյսի.-
«Կասկած չկայ, որ մարտահրաւէրները տակաւին կը շարունակուին, բայց Հայաստանի մարդոց բնորոշ է դիմացկանութիւնը, տոկունութիւնը և ուժը։ Միացեալ Նահանգներ կը շարունակէ աշխատիլ Հայաստանի հետ՝ յանուն աւելի լաւ ապագայի։ Շնորհաւոր Ամանոր և Սուրբ Ծնունդ»։
Ռուսաստանի դեսպան Սերկեյ Քոփիրքին.-
«Թանկագի՛ն բարեկամներ, 2021-ը դիւրին տարի չէր. Ռուսաստանի համար կարեւոր է, որ հայ ժողովուրդը կարելիին չափ արագ ինքզինքը անվտանգ զգայ և կարողանայ վստահ նայիլ ապագային։ Այդ նպատակին կը ծառայեն այն ջանքերը, զորս Ռուսաստան հետևողականօրէն կը ձեռնարկէ խաղաղապահ զօրախումբի գործողութիւններու գօտիին մէջ խաղաղ կեանքի ապահովման, հայ-ազէրպայճանական սահմանին յառաջացող խնդիրներու լուծման, Հարաւային Կովկասի տարածաշրջանի խաղաղ զարգացման և բարգաւաճման պայմաններ ստեղծելու համար»։
