Մայիս 28-ին, Փարիզի քաղաքապետուհի Անն Հիտալկօ խումբ մը պաշտօնատար անձերու ուղեկցութեամբ այցելած է Ծիծեռնակաբերդի յուշահամալիր, ծաղկեպսակ զետեղած է Ցեղասպանութեան զոհերու յուշարձանին եւ ծաղիկներ խոնարհած՝ անմար կրակին առջեւ:
Այնուհետեւ քաղաքապետուհին այցելած է «Եռաբլուր» զինուորական պանթէոն, ուր ծաղիկներ խոնարհած է 44-օրեայ պատերազմին զոհուած ֆրանսական համալսարանի ուսանողներու շիրիմներուն եւ տեսակցած անոնց ծնողներուն հետ։
