Իրաւապաշտպան Արման Թաթոյեան Դիմագիրքի իր էջին կը գրէ.

«Ռուբէն Վարդանեան եւ մեր միւս բոլոր պատանդներն ու գերիները ազերպայճանական շինծու դատավարութիւններով դաժանաբար կը խոշտանգուին` Պաքուի իշխանութեան վրէժխնդրութեան, քաղաքական խնդիրներ լուծելու եւ հայ ժողովուրդի արժանապատւութեան հաշուոյն յարատեւելու, մեր ազգային գիտակցութիւնը նսեմացնելու, մեր մէջ լարուածութիւնն ու պառակտումը խորացնելու նպատակով:

Այդ “դատավարութիւնները” ազերպայճանական իշխանութեան անհրաժեշտ են իր քաղաքական կեղծ թեզերը օրինականացնելու, Արցախի մէջ գործած ցեղային զտումներէ “մաքրուելու”, Հայաստանի նկատմամբ յարձակումի հիմքեր ստեղծելու համար:

Ռուբէն Վարդանեան, Բակօ Սահակեան, Արկադի Ղուկասեան, Դաւիթ Իշխանեան, Լեւոն Մնացականեան, Դաւիթ Բաբայեան, Դաւիթ Մանուկեան, Արայիկ Յարութիւնեան, մեր միւս հայրենակիցները պէտք է անյապաղ ազատ արձակուին, անոնց անազատութեան մէջ պահելու իւրաքանչիւր վայրկեան ու ժամ ծանր յանցագործութիւն է»: