Արցախի մէջ արգիլուած է փողոցի առեւտուրը։ Գիւղացին այսուհետեւ իր մթերքը պիտի վաճառէ շուկային մէջ։
«Ստեղծուած իրավիճակով պայմանաւորուած՝ գիւղէն բերուած մթերքը Ստեփանակերտի մէջ իսկոյն կը սպառի, ոչ թէ անոր համար, որ յարմար գիներով կը վաճառուի, այլ պարզապէս որովհետեւ այընտրանք չկայ», կ՚ըսուի Արցախի հանրային հեռատեսիլի պատրաստած տեսանիւթին մէջ:
Պատկան մարմինները արձանագրած են, որ այս կացութիւնը ստեղծած է նաեւ անվերահսկելի դրամահոսութիւն, որ շատ յաճախ գիւղացիին մեղքով չի յառաջանար: Վերավաճառողները աւելի մեծ շահ ձեռք կը ձգեն, քան գիւղացին, եւ կը փորձեն լուծում որոնել այս խնդրին:
Տարածքային կառավարման եւ ենթակառոյցներու նախարարութիւնը հարցի լուծման իր տարբերակն ունի՝ արգիլել փողոցային առեւտուրը եւ գիւղացիին համար ստեղծել պայմաններ՝ գիւղամթերքը վաճառել կարենալու համար կեդրոնական շուկային մէջ:
