Արցախի Տեղեկատուական կեդրոնի տեղեկագրին մէջ հրապարակուած է շրջափակման 59-րդ օրուան թարմացուած վիճակագրութիւնը:

10 երախայ կը գտնուի մանկական հիւանդանոցի նորածիններու կամ վերակենդանացման բաժնին մէջ:

10 չափահաս ալ կը գտնուի վերակենդանացման բաժինը, որոնցմէ 3-ը ծայրայեղ ծանր վիճակի մէջ է։

Շրջափակման մէջ արդէն 215 երախայ լոյս աշխարհ եկած է:

Արցախի բժշկական հաստատութիւններուն մէջ ծրագրուած վիրահատութիւններու դադրեցման պատճառով շուրջ 600 քաղաքացի զրկուած է վիրահատուելու միջոցով առողջական խնդիրներու լուծման կարելիութենէն։

Ցարդ Կարմիր խաչի միջնորդութեամբ եւ ուղեկցութեամբ Արցախէն Հայաստան փոխադրուած է 76 հիւանդ՝ համապատասխան բուժում ստանալու համար։

Ստեղծուած տնտեսական բարդ իրավիճակին պատճառով  առնուազն 5.100 հոգի կորսնցուցած  է աշխատանքը եւ եկամուտի աղբիւրը։ 

Աւելի քան 23.200 թոն կենսական նշանակութեան ապրանք մատակարարուած պիտի ըլլար Արցախ, եթէ շրջափակում չըլլար։ Պաշարման երկու ամսուան ընթացքին Կարմիր խաչի և ռուս խաղաղապահ զօրակազմի կողմէ մատակարարուած է կենսական մթերքի մէկ չնչին մասը միայն։