Փետրուար 20-ին, Վիեննայի մէջ ընթացող ԵԱՀԿ-ի Խորհրդարանական վեհաժողովի ձմեռնային նստաշրջանի շրջանակին մէջ հանդիպում ունեցած են Հայաստանի եւ Թուրքիոյ պատուիրակութիւնները։ Լուրը կը հաղորդէ Ազգային ժողովի Արտաքին յարաբերութիւններու մնայուն յանձնաժողովի նախագահ Սարգիս Խանդանեան՝ Դիմագիրքի իր էջին գրառումով:
«Հանդիպումին քննարկուեցան երկու երկիրներու միջեւ յարաբերութիւններու բարելաւման առնչուող հարցեր:
Կողմերը կարեւոր նկատեցին տարածաշրջանի ճամբաներու եւ այլ ենթակառոյցներու շուտափոյթ ապաշրջափակումը եւ տնտեսական յարաբերութիւններու զարգացումը»,– կը գրէ երեսփոխանը:
© 2023 Բոլոր իրաւունքները վերապահուած են։
