Յունիս 8-ին, հայ մշակութային խումբերը մասնակցած են Պերլինի մէջ կազմակերպուած Մշակոյթներու բարեկենդանին:

Frankfurter Allee/Karl Marx Allee ճանապարհով ընթացած շքերթին մասնակցած են շուրջ 68 մշակութային խումբեր՝ երգի, պարի եւ թատերական արուեստը ներկայացնող իրենց 4.000 անդամներով:

Հայկական ազգագրական պարերու գեղեցիկ կատարումներով հանդէս եկած են Պերլինի, Համպուրկի, Միւնիխի եւ Պրեմէնի հայկական պարային համոյթները:

Մշակութային բազմազանութիւնը եւ համակեցութիւնը խորհրդանշող այս բարեկենդանին հետեւած է աւելի քան 750.000 հանդիսատես: