Շիրակի մարզպետ Նազելի Բաղդասարեանի ու Գիւմրիի համայնքի ղեկավար Վարդգէս Սամսոնեանի Ուզպէքստանի մէջ, Փետրուար 14-ին, ՀՀ դեսպան Արամ Գրիգորեանի հետ հանդիպումին համաձայնութիւն գոյացած է Գիւմրին եւ Սամարղանդը քոյր քաղաքներ հռչակելու վերաբերեալ։ Այս տեղեկութիւնը հաղորդած են Շիրակի մարզպետարանի մամլոյ ծառայութենէն։
Համաձայնագրով՝ կողմերը պիտի գործակցին տնտեսութեան, մշակոյթի, պատմամշակութային ժառանգութեան պահպանման, զբօսաշրջութեան բնագաւառներուն մէջ։
“Լիայոյս եմ, որ Հայաստանի և Ուզբեկստանի միջև արդէն ձևաւորուած բարիդրացիական ու գործընկերային կապերն առաւել կ՚ամրապնդուեն նաև ապակենտրոնացուած մակարդակով։ Գիւմրին ու Սամարղանդը կը կարողանան համագործակցել և դա հիմք կը հանդիսանայ տնտեսական ու արդիւնաբերական նոր կապերի հաստատման համար”,– նշած է Շիրակի մարզպետը։
