«Ապագայ հայկականը» զարգացման հիմնադրամի պատասխանատուները կը յայտարարեն, թէ  2023 Մարտ 10-12-ին Երեւանի մէջ գումարուած առաջին համաժողովի արդիւնքներու ամփոփիչ զեկուցումը պիտի ներկայացուի Մայիս 19, ժամը 19-ին Հայաստանի Ամերիկեան համալսարանի գլխաւոր մասնաշէնքի մեծ դահլիճին մէջ (հասցէ՝ Բաղրամեան 40)։

 Այս հանդիպումին պիտի մասնակցին «Ապագայ հայկականը» նախաձեռնութեան հիմնադիրներ Նուպար Աֆէան, Ռուբէն Վարդանեան եւ Արթուր Ալավերդեան։ 

Համաժողովի արդիւնքներու պաշտօնական ներկայացումէն յետոյ նախատեսուած է քննարկում եւ հարցում-պատասխանի բաժին մը, որու ընթացքին համաժողովին  մասնակիցները,– որոնք կարելիութիւնը ունին ներկայ ըլլալու այս հանդիպումին,– պիտի կարենան զիրենք յուզող հարցումները յղել Նուպար Աֆէանին, Ռուբէն Վարդանեանին եւ Արթուր Ալավերդեանին։ Իսկ անոնք որոնք պիտի չկարենան ներկայ ըլլալ, նմանապէս՝ կրնան իրենց հարցումները յղել, զանոնք նախապէս հասցէագրելով կազմակերպիչներուն։

Այս մասին տեղեկատուական ել-նամակներ յղուած են համաժողովի բոլոր մասնակիցներուն։